Sipas zëdhënëses së Policisë për Rajonin e Prishtinës, Florie Ahmeti, aksidenti ka ndodhur rreth orës 17:30 dhe ka përfshirë një veturë dhe një kamion në lëvizje. Më pas, automjetet janë përplasur me rrethojat e një objekti dhe disa automjete të parkuara.

“Sot rreth orës 17:30 kemi pranuar informatën se në rrugën “Skenderbeu” në Podujevë, ka ndodhur një aksident trafiku me pasoja fatale. Në këtë aksident ka qenë e përfshirë një veturë dhe një kamion në lëvizje, më pas janë goditur rrethojat e një objekti dhe disa automjete të parkuara. Në këtë aksident ngasësi i kamionit ka humbur jetën dhe janë lënduar katër persona të tjerë. Vdekja e viktimës është konstatuar nga ekipi mjekësor në vendngjarje dhe trupi i pajetë është dërguar për obduksion, ndërkohë që personat e lënduar janë dërguar për tretman mjekësor”, tha Ahmeti.

Me rastin po merret njësiti i trafikut rajonal.