Presidenti serb Aleksandar Vuçiç dhe kryeministri izraelit Benjamin Netanyahu zhvilluan një takim në Nju Jork, ku të dy po marrin pjesë në sesionin e 80-të të Asamblesë së Përgjithshme të Kombeve të Bashkuara.
Siç u njoftua nga zyra e Kryeministrit izraelit, Netanyahu falënderoi Vuçiçin për “mbështetjen e palëkundur” të tij për këtë vend.
Një theks i veçantë iu kushtua pengjeve në Gaza, njëri prej të cilëve është Alon Ohel, i cili përveç pasaportës izraelite, ka edhe një pasaportë serbe.
“Netanyahu gjithashtu ndau me Vuçiçin bisedën me prindërit e Ohel pasi Hamasi publikoi videon e tij nga Gaza”, u njoftua.
Përveç Vuçiçit, Netanyahu u takua në Nju Jork me presidentët e Paraguait dhe Argjentinës.
