Ministria e Drejtësisë, përmes Këshillit Profesional, ka licencuar 488 profesionistë dhe 240 punonjës profesional të shërbimeve sociale dhe familjare gjatë periudhës janar–shtator 2025.
Këta profesionistë ofrojnë mbështetje për fëmijët, të moshuarit, familjet në nevojë dhe të gjithë qytetarët që kanë nevojë për përkujdesje.
Lajmin e bëri të ditur ushtruesi i detyrës së ministrit në detyrë të Drejtësisë, Blerim Sallahu.
“Ky rezultat është dëshmi e përkushtimit të Ministrisë që përkujdesjen sociale ta trajtojë si prioritet shtetëror, duke garantuar mbrojtje dhe mbështetje për kategoritë më të ndjeshme të shoqërisë”, ka shkruar Sallahu.
