Komisioni Qendror i Zgjedhjeve ka marrë vendim për emërimin e anëtarëve të Këshillave të Vendvotimeve të rregullta, atyre me kusht dhe anëtarëve rezervë për zgjedhjet komunale.
Janë emëruar gjithsej 14,305 anëtarë të 2,571 vendvotimeve të rregullta dhe 54 vendvotimeve me kusht. Gjithashtu gjatë mbledhjes së sotme u emëruan edhe 1,200 anëtarë rezervë.
Arianit Elshani, udhëheqës i Këshillit për Operacione Zgjedhore, ka thënë se 3 komuna përbëhen nga 6 anëtarë, ndërkaq komunat e tjera me nga 5 anëtarë.
Gjithashtu është marrë vendimi për miratimin e procedurës standarde të veprimit në lidhje me të drejtat dhe detyrat e vëzhguesve të akredituar në Zgjedhjet Lokale 2025.
Gjithsej për këto zgjedhje do të jenë 948 Qendra të Votimit me 2,625 vendvotime, prej të cilave 910 Qendra të Votimit për votimin e rregullt me 2,571 vendvotime dhe 38 Qendra të Votimit për votimin me kusht me gjithsej 54 vendvotime.
