Presidentja e shtetit, Vjosa Osmani gjatë qëndrimit të saj në Samitin e Liderëve të Komunitetit Politik Evropian në Kopenhagë është pritur në takim nga kryeministrja daneze, Mette Frederiksen.
Me këtë rast Osmani ka shprehur mirënjohjen për kryeministren daneze.
“Mirënjohëse Kryeministres daneze Mette Frederiksen për mikpritjen e ngrohtë në Samitin e Liderëve të Komunitetit Politik Evropian në Kopenhagë, i cili edhe këtë herë fokusohet në sfidat e sigurisë dhe në thellimin e bashkëpunimit për t’i tejkaluar ato”, ka shkruar presidentja Osmani në Faceook.
Samiti që po mbahet në Kopenhagë ka mbledhur liderë evropianë, përfshirë edhe përfaqësues të institucioneve të Bashkimit Evropian, derisa Kosova në këtë samit po përfaqësohet nga presidentja, Vjosa Osmani.
