Me Shukri Bujën kryetar, Lipjani do të përfitojë shumë dhe do të ndryshojë për të mirë u tha në tubimin e Partisë Demokratike të Kosovës në Dobrajë të Madhe të Lipjanit.
Kryetari i PDK-së, Memli Krasniqi, tha se qytetarët kanë dëshmi që Buja nuk ka punë të madhe që nuk e ka vulën e tij sa ishte kryetar.
“Është koha te kthehemi te punët që i ka lënë gjysmë Shukri Buja”, tha Krasniqi.
Kandidati për kryetar të Lipjanit, Shukri Buja tha se Lipjani ka nevojë për një kryetar që nuk dorëzohet para lodhjes, nuk dorëzohet para sfidave, nuk dorëzohet as në metrat e fundit.
Kandidati për kryetar të Lipjanit, Shukri Buja tha se ka një program që do ta zhvillojë Lipjanin dhe do ta dërgojë përpara.
“Investime në digjitalizim të shkollave, mësimi tërëditor, investime ne hapësira shkollore, mbështetje financiare për studentët e dalluar, transport falas për nxënësit, uniforma, ndërtimi i çerdheve, ndërtimi i pishinës shkollore, asfaltimi i rrugicave, rikonstruktimi i rrugëve që lidh fshatrat me Lipjani”, tha Buja.
Buja premtoi rritje të subvencione në bujqësi për fermerët, serra, fond për kompensim nga dëmet natyrore, fonde për nenat, familjet me asistencë sociale, zgjerim të rrjetit te kanalizimit etj.
Heset Sahiti nga Nisma Socialdemokrate, qe në zgjedhjet e 12 tetorit garon ne koalicion me PDK-në premtoi barazi sociale, përkrahje për arsim dhe zhvillim ekonomik.
“Investime në bujqësi, mbështetje për ndërmarrje te vogla e të mesme, gratë dhe të rinj, shëndetësi më të mirë dhe përmirësim të kushteve për personelin shëndetësor, këtë e dëshmon edhe programi ynë i prezantuar”, tha Sahiti.
Para banorëve të fshatrave Dovrajë, Llugë, Gllanicë, Torinë e Poturoc, Buja me ekipin e tij garues në zgjedhjet e 12 tetorit apeloi që të dilet masivisht në zgjedhje dhe të votojnë për programin e tij qeverisës për katër vitet e ardhshme.
