Të paktën 100 persona u plagosën kur dy trena u përplasën në Sllovaki, raportuan mediat lokale.
Aksidenti ndodhi sot rreth orës 10:00 të mëngjesit pranë fshatit Jablonov në Turnja, kur dy trena ekspres u përplasën në pikën ku kryqëzohen dy shinat.
Për shkak të forcës së përplasjes, vagonët doli nga shinat dhe njëri mbeti i varur në një hendek të thellë.
Zëdhënësi i Hekurudhave Sllovake, Jan Backek, tha se shkaku i përplasjes është ende nën hetim.
“Tani për tani, përparësia është shpëtimi dhe evakuimi i pasagjerëve dhe punonjësve tanë”, tha ai.
Pesë ambulanca dhe një helikopter shpetimi u dergua ne vendngjarje.
Policia tha se përplasja ndodhi përpara tunelit dhe se pasagjerët po largohen gradualisht nga trenat.
Siç u tha, policia siguron vendin e aksidentit, koordinon punën e shërbimeve të shpëtimit dhe drejton lëvizjen e njerëzve në zonë.
