Një 33 vjeçar i kërkuar e i dënuar për shumë vepra penale është arrestuar sot në Aeroportin Ndërkombëtar të Prishtinës.
Policia e Kosovës thotë se ai ishte i dënuar me 3 vite e 6 muaj burgim për veprat penale, mashtrim, vjedhje, prezantim i rremë si person zyrtar dhe vjedhje të rëndë.
“Sot në aeroportin e Prishtinës është arrestuar një person i kërkuar për disa vepra penale. A.P. mashkull, 33 vjeç, ishte i dënuar me 3.6 vite burgim për veprat penale: Mashtrim, Vjedhje, Prezantim i rremë si person zyrtar dhe Vjedhje të rëndë. I njëjti pas përfundimit të procedurave të nevojshme nga ana e policisë, është dërguar në vuajtje të dënimit”, thuhet në njoftimin e Policisë së Kosovës.
