Ministria e Kulturës, Rinisë dhe Sportit ka njoftuar për përfundimin e restaurimit të shtëpisë së Hynilerëve, një prej ndërtesave më të vjetra dhe më të bukura të Prishtinës.
“E ruajtur me përkushtim nga familja Hyniler ndër shekuj, kjo perlë e arkitekturës tradicionale tashmë do të jetë e sigurt dhe e mbrojtur për brezat e ardhshëm, falë punës dhe investimit të Ministrisë së Kulturës,” thuhet në njoftimin e MKRS-së.
Ky restaurim vlerësohet si një hap i rëndësishëm në ruajtjen e trashëgimisë kulturore të kryeqytetit dhe në promovimin e arkitekturës tradicionale shqiptare.
