Kryesia e Kuvendit të Kosovës pritet të mblidhet të enjten nga ora 14:00. Kështu ka njoftuar zyrtarisht Drejtoria për Media dhe Marrëdhënie me Publikun e Kuvendit të Kosovës.
Në këtë mbledhje të Kryesisë do të ketë konsultim për funksionalizimin e trupave punuese të Kuvendit, si dhe diskutim rreth miratimit të buxheteve komunale për tri komuna.
“Konsultim për funksionalizimin e trupave punuese të Kuvendit. Diskutim rreth miratimit të buxheteve komunale për vitin 2025 për komunat Prishtinë, Gjilan, dhe Zubin Potok. Data: 30 tetor 2025, dita: E enjte, vendi: Salla C 301, koha: 14:00”, thuhet në njoftimin e përcjellë nga Kuvendi i Kosovës.
