Njohësit e zhvillimeve politike në vend, konsiderojnë se rezultati i zgjehdhjeve loparlamentarethshme.lotazhit në 18 komuna të Kosovës , do ta determinon edhe rezultatin e zgjedhjeve qendrore të cilat tani janë realitet i pashmangshëm me krizën e krijuar në vend.
Pra, zgjedhjet lokale po shifen si një test ii qartësimit të plotë të fuqisë së partive në nivel lokal dhe tregues i dinamikave të ardhshme politike në skenën qendrore, që do të ju jep atyre pamjen e plotë të hartës së shtrijes reale elektorale dhe gjasat për të qenë më afër mundësisë për marrjen e pushtetit.
Sipas analistit Gani Qarri, duke qenë se në 18 komuna të vendit, në mesin e të cilave edhe vet kryeqyteti-Prishtina dhe komunat më të mëdha të Republikës së Kosovës si Mitrovica, Peja, Prizreni, Gjilani etj, ku është e përqendruar edhe shumica e popullsisë, shkuan në balotazh, rezultati përfundimtar i zgjedhjeve lokale, medoemos do ta determinojë edhe rezultatin e zgjedhjeve qendrore. Qarri thotë se kriza në nivelin qendror nuk është interes i shtetit dhe popullit të Kosovës por ajo u imponua nga qarqet që nuk ja duan të mirën Kosovës, prandaj pas lokaleve vijnë zgjedhjet e jashtëzakonshme qendrore.
“Vendimi i votuesit që komunat kryesore të shkojnë në balotazh shpërfaqi edhe njëherë publikisht tensionin primitiv, të krijuar pa asnjë nevojë me ngërçin e inskenuar politik nga partitë e inkriminuara opozitare, ndryshe sikur opozita e shantazhuar, të tregohej kaq e ashpër kundër ndërhyrjeve të Serbisë në Kosovë dhe tu kundërvihej veprimeve kundërkushtetuese të të ashtuquajturës “listë serbe”, si dhe agresionit territorial të kryeterroristit Millan Radojçiq, siç sulet brutalisht kundër kryeministrit Albin Kurti, e së fundi edhe kundër kandidaturës së Gllauk konjufcës si kandidat për kryeministër, as ndërhyrjet nga Serbia dhe as sanksionet e BE-së etj, nuk do të kishin ndodhur kurrë në përmasa të tilla, kundër Kosovës dhe sot, Kosova ndoshta mund të ishte e anëtarësuar si shteti më i ri, edhe në Këshillin e Evropës”, pohon analisti Gani Qarri për Kosova Times.
- Sipas tijë, me laramanin e mish-masheve të koalicioneve të përçudshme për balotazh partitë politike kanë shkelë me të dy këmbët, çdo parim dhe normë të moralit politik e partiak, me çka dëshmuan se qëndrimet e tyre, nuk janë më idealet e partisë që i takojnë, por karriera individuale dhe lufta për pushtet, kështu që tanimë edhe po shihet, se së shpejti, ndoshta do të detyrohemi të shkojmë edhe në mbajtjen e zgjedhjeve të reja të jashtëzakonshme nga të cilat do të ketë pasoja për “peshqit” e vegjël politik. “AAK e Nisma, pa koalicion, do të bien nën pragun zgjedhor dhe PDK e LDK, si shkaktuese të ngërçit politik, të cilat madje çuditërisht morën guximin ta vejnë në rrezik edhe funksionalitetin e shtetit të Kosovës duke e lënë vendin pa buxhet e pa marrëveshje të miratuara me BE-në dhe Bankën Botërore, do të dalin të lagura nëse jo edhe tërësisht të hendikepuara, ashtu siç edhe e meritojnë”, thotë Gani Qarri.Përndryshe ai mendon se vendimi i kryeministrit në detyrë, z. Albin Kurti për të propozuar Glauk Konjufcën për kryeministër, ishte veprimi më i qëlluar dhe kandidati më i mirë i mundshëm, i preferuar edhe nga subjektet opozitare, që edhe në rrethanat aktuale të krijohet një qeveri qoftë edhe e përkohshme, për votimin e buxhetit të shtetit dhe miratimin e marrëveshjes me BE-në e cila në kuadër të planit të rritjes ka vënë në dispozicion për Kosovën mese 882 milion Euro dhe Banka Botërore rreth 100 milion tjera për projekte të reja dhe zhvillim, akt me të cilin besojn që z. Albin Kurti ka dëshmuar në vepër se më shumë e do Kosovën se sa postin e kryeministrit, por opozita e cila tash e sa vite bllokon çdo reformë dhe akuzon arbitrarisht kryeministrin Albin Kurti se kinse ai po e “bllokon shtetin”, e cila e rrënon çdo normë të sjelljes që është në interes të shtetit dhe qytetarëve të Kosovës dhe e ka më problem Albin Kurtin, se sa të ashtuquajturën “listë serbe” dhe ndërhyrjet e Serbisë, brenda territorit shtetëror të Kosovës ,nuk mbetet rrugëdalje tjetër përveç shkuarjes në zgjedhje të reja, që sovrani të vendos për qeverinë e re dhe të ardhmen e Republikës së Kosovës.
Qarri konstaton se pasi që opozita e kësaj radhe nuk deshi të reflektonte për hir të shtetit, as të qytetarëve, me ç`rast do të fitonte vetëm Kosova, zgjedhjet e përgjithshme mbeten opsioni i vetëm, andaj votimet komunale, tanimë kanë filluar të konsiderohen edhe si një test i qartësimit më të plotë të fuqisë së partive politike, jo vetëm në nivelin lokal, por edhe si tregues i përafërt i votimeve të ardhshme nacionale në skenën qendrore politike e spektrit më të gjerë, ashtu që përballja në balotazh, nuk mbetet më si dikur, vetëm matje mes kandidatëve për kryetarë komunal, por shihet edhe si pasqyrë e ilustrimeve të mbështetjes mbarështetërore që partitë pjesëmarrëse përllogaritin të marrin nga votuesit, në zgjedhjet e përgjithshme. /Syl Ahmeti
