Drejtori i Përgjithshëm i Policisë së Kosovës, Gazmend Hoxha ka pritur në takim komandantin e KFOR-it, Ozkan Ulutash. Shefi i Policisë e shefi i KFOR-it thuhet se bashkë kanë biseduar për tema të ndryshme në interes të situatës së sigurisë në Kosovë.
Policia e Kosovës në njoftimin për media thotë se në takim u konfirmua vazhdimi i bashkëpunimit të mëtejmë dhe avancimi i shkëmbimit të informacioneve në funksion të ruajtjes së një ambienti më të qetë dhe të sigurt për të gjithë qytetarët pa dallim.
“Pikë tjetër e diskutimeve ishin aktivitetet e përbashkëta në mes të PK-së dhe KFOR-it, të cilat reflektojnë në situatën e sigurisë në tërë vendin, përfshirë veriun”, thuhet në njoftim.
Polica thotë se vazhdimi i bashkëpunimit, mirëbesimit dhe realizimit të aktiviteteve të përbashkëta, ndikon në rritjen e mëtejme të nivelit të sigurisë së përgjithshme.
