Anna Paulina Luna, një anëtare republikane e Dhomës së Përfaqësuesve të Shteteve të Bashkuara të Amerikës, foli pasi zyra e prokurorit në Milano nisi një hetim pas akuzave se të pasurit nga disa vende paguan për vrasjen me snajper të civilëve gjatë rrethimit të Sarajevës nga viti 1992 deri në vitin 1995.
Ajo tregoi se kishte nisur hetimin e këtyre akuzave në SHBA dhe se është në kontakt me Konsullatën e Bosnjës dhe Hercegovinës, si dhe me Ambasadën Italiane në SHBA.
“Pagesa për të qëlluar civilët, dhe akoma më keq, fëmijët, është një nivel i së keqes që vendi ynë nuk mund dhe nuk do ta tolerojë. Si qeveria italiane ashtu edhe ajo boshnjake do të ndajnë të gjitha informacionet në lidhje me çdo amerikan që mund të jetë i përfshirë. Nëse ka amerikanë që janë të përfshirë, ata meritojnë të akuzohen dhe të ndiqen penalisht”, tha kongresmenja Anna Paulina Luna.
