Kompania Rajonale e Ujësjellësit “Prishtina” ka njoftuar se për shkak të turbullirës së krijuar në kanalin e Ibër Lepencit si shkak i punimeve teknike në kanal nga mesnata ka probleme në Impiantin e Trajtimit të Ujit në Shkabaj.
KRU “Prishtina” thotë se si shkak i kësaj turbullire është çrregulluar furnizimi me ujë në disa pjesë të Fushë Kosovës, Obiliqit, Drenasit dhe, sipas tyre, mund të ketë ndikim edhe në disa pjesë të Prishtinës.
“Aktualisht ITU Shkabaj nuk është duke trajtuar ujë. Ndërsa në ITU Albanik dhe Badoc jemi duke punuar me kapacitete maksimale”, ka njoftuar ujësjellësi.
