Kombëtarja e Bullgarisë është shpallur kampione e IHF Trophy për hendbollistet deri në 17 vjet që ka përfunduar të dielën në Prishtinë, pas pesë ditësh garash në Pallatin e Rinisë.
Kombëtarja bullgare i ka fituar të gjitha ndeshjet, kurse Belgjika e ka siguruar vendin e dytë.
Çmimi për lojtoren më të mirë të kampionatit ka shkuar për Ivet Konstandinovën e Bullgarisë, ndërsa golashënuesja më e mirë ka qenë Luiza Nikitchenko nga Azerbajxhani, e cila ka realizuar tridhjetë e pesë gola.
Trofeun e kampionit ia ka dorëzuar kapitenes së Bullgarisë presidenti i Federatës së Hendbollit të Kosovës, Edin Kolgeci.
Menjëherë këtë të martë nis IHF Trophy për hendbollistet deri në nëntëmbëdhjetë vjet.
