Përfaqësuesi Special i BE-së për dialogun, Peter Sørensen është takuar me kryetarin e AAK-së, Ramush Haradinaj.
Haradinaj ka shkruar në facebook se ka shprehur mirënjohjen për rolin e tij dhe të Bashkimit Evropian, duke theksuar po ashtu rëndësinë e partneritetit BE–SHBA për sukseset e arritura në Kosovë dhe në rajon.
“E njoftova z. Sørensen për qëndrimin e Aleancës për të dhënë kontribut të drejtpërdrejtë në formimin sa më të shpejtë të institucioneve të reja, të dala nga zgjedhjet, si dhe për angazhimin tonë në rikthimin e vendit në rrugën e integrimit euro-atlantik”, vazhdon postimi.
