Kryetari i Këshillit Kombëtar Shqiptar, Enkel Rexhepi, ka bërë sot homazhe për të nderuar kujtimin e dëshmorëve të kombit, duke rikujtuar një akt të padrejtë dhe të dhunshëm ndaj kujtesës kolektive.
Në një postim në Facebook, Rexhepi thekson se, edhe pse lapidari u hoq, e vërteta historike dhe kujtesa nuk mund të shuhet me vendime politike apo ekskavatorë. Ai shtoi se emrat e dëshmorëve jetojnë dhe mbeten të paharrueshëm në zemrat e shqiptarëve.
“Lavdi dëshmorëve të kombit!”, shkruan Rexhepi, duke rikujtuar rëndësinë e ruajtjes së kujtesës historike dhe respektit për ata që dhanë jetën për kombin.
