Presidentja e Komisionit Evropian, Ursula von der Leyen, tha në Davos se Evropa është “plotësisht e përgatitur të veprojë nëse është e nevojshme” lidhur me kërcënimin e Presidentit të SHBA-së, Donald Trump, për tarifa ndaj Grenlandës.“Kërcënimi me tarifa shtesë për arsye sigurie është thjesht i gabuar”, tha von der Leyen
Ajo shtoi se udhëheqësit evropianë do të takohen të enjten për të diskutuar përgjigjen ndaj kërcënimit të presidentit amerikan, raporton BBC.
“Evropa preferon dialogun dhe zgjidhjet, por ne jemi plotësisht të përgatitur të veprojmë, nëse është e nevojshme, të bashkuar, urgjentisht dhe me vendosmëri”, tha Presidenti i Komisionit Evropian.Von der Leyen; vlerësoi gjithashtu se ka pasur një ndryshim në rendin ndërkombëtar i cili është “jo vetëm sizmik, por i përhershëm”.
“Tani jetojmë në një botë të përcaktuar nga fuqia e papërpunuar”, tha Von der Leyen, duke shtuar se ishte e domosdoshme që Evropa të merrte “leva të reja pushteti”.
Presidenti i SHBA-së, Donald Trump, tha të premten se po shqyrton vendosjen e tarifave të reja për vendet që kundërshtojnë ambicien e tij për të aneksuar Groenlandën.
