Dogana e Kosovës ka certifikuar zyrtarët doganorë që u dalluan në punën e tyre, një ditë pas shënimit të Ditës Ndërkombëtare të Doganave.
Drejtori i Përgjithshëm, Agron Llugaliu, tha se Dogana ka rritur të hyrat për 8% gjatë vitit të kaluar, duke folur njëkohësisht për luftën e suksesshme kundër kontrabandës.
“Dogana gjatë vitit të kaluar ka rritur të hyrat për 8% krahasuar me vitin 2024. Sa i përket mbrojtjes së shoqërisë, kemi arritur të konfiskojmë 400 kilogramë kanabis, që përbën rekord, 3 mijë copë municion si dhe 61 raste të përbashkëta me Policinë Kufitare të mallrave të ndaluara. Këtë sukses ia dedikoj Doganës. Përpjekjet e juaja e bëjnë dallimin te pjesa e suksesit”, ka deklaruar ai.
Llugaliu u bëri thirrje oficerëve doganorë që të vazhdojnë angazhimin edhe në vitet në vijim.
