Një qytetar është lënduar rëndë pasi automjeti që po drejtonte u mbulua me dhe e gurë nga shembja e një muri mbrojtës në fshatin Meliq të Hanit të Elezit..
Në vendngjarje kanë intervenuar policia, zjarrfikësit dhe ekipet e emergjencës, të cilët kanë nxjerrë shoferin nga vetura. Ai është dërguar në Qendrën Klinike Universitare të Kosovës për tretman mjekësor, njofton policia.
Prokurori dhe Administrata për Menaxhimin e Emergjencave (AME) janë njoftuar për ngjarjen, ndërsa familjet pranë vendit të incidentit janë evakuuar me rekomandim të autoriteteve. Një patrullë policore vazhdon të qëndrojë në vendngjarje për sigurimin e zonës deri në zhvillimet e mëtejshme, thuhet në njoftimin e policisë.
