Ambasadori i Kosovës në SHBA, Ilir Dugolli, ka pritur në takim kryetarin e Aleancës për Ardhmërinë e Kosovës (AAK), Ramush Haradinajn, kryetarin e Gjykatës Kushtetuese, Nexhmi Rexhepin, si dhe deputetin e vetëm shqiptar në parlamentin e Serbisë, Shaip Kamberin.
Sipas njoftimit të Ambasadës, takimi u mbajt në ambientet e ambasadës së Kosovës në Uashington.
“Ambasadori Dugolli kishte kënaqësinë të mirëpresë në Ambasadë Kryetarin e Gjykatës Kushtetuese të Republikës së Kosovës, Nexhmi Rexhepi, ish-Kryeministrin Ramush Haradinaj, si dhe deputetin Shaip Kamberi, të cilët ndodhen në Uashington, D.C., për të marrë pjesë në Mëngjesin e Lutjeve”, thekson Ambasada e Kosovës në Uashington.
