Kreu i partisë së drejtësisë, Gëzim Kelmendi, ka kritikuar kreun e qeverisë së Kosovës Albin Kurti lidhur me deklaratën e tij për Ivanoviqin.
Ai tha se nëse ish-ministri serb Aleksandër Jabllanoviq është shkarkuar për shkak të ofendimeve ndaj nënave gjakovare (shkarkim i merituar), duhet shkarkuar edhe kryeministrin Albin Kurti që ky ofendoi familjet shqiptare dhe boshnjake duke e lavdëruar Oliver Ivanoviqin që ishte i dënuar për krime për vrasjen e civilëve shqiptarë dhe boshnjak.
“Kësaj i thonë drejtësi. Por, sikurse në çdo fushë në Kosovë, edhe këtu nuk ka drejtësi. Mos të harrojmë se para zgjedhjeve disa figura publike kishin keqpërdorur një parim Islam, duke bërë fushatë për Albin Kurtin. Ata thonin: “ma i mirë një ateist i drejtë, se sa një musliman i padrejtë”! I thonin i drejtë dhe parimor, ende pa e provuar udhëheqjen e Albin Kurtit”, tha Kelmendi. /Kosovatimes/
