Shërbimi i inteligjencës ushtarake ukrainase pretendon se Presidenti i Rusisë ka shkarkuar gjeneralin Roman Berdnikov, i cili komandonte ushtrinë ruse në pjesën perëndimore të fushëbetejës, shkruan Kosovatimes.
Sipas raportimeve, gjenerali u shkarkua pas tërheqjes së ushtrisë ruse nga rajoni i Kharkiv, dhe kaloi vetëm 17 ditë në atë pozicion. Arsyeja e ndryshimit janë disfatat shkatërruese që u janë shkaktuar rusëve në ofensivën e forcave ukrainase.
Ukrainasit deklarojnë gjithashtu se zëvendësuesi i Berdnikov është gjeneral-lejtnant Alexander Lapin , komandanti i Qendrës së Grupit të Ushtrisë, i cili tani do të marrë përgjegjësinë për komandën qendrore dhe perëndimore të ushtrisë ruse.
Nuk ka pasur konfirmim të këtij pretendimi nga burime të tjera, por gjithashtu në qershor dolën informacione, edhe nga burime ukrainase, se Berdnikov ishte vrarë në aksion.
Burimet perëndimore pohojnë se ushtarët rusë “bukvalisht u larguan nga pozicionet e tyre”, duke lënë pas edhe rrobat e tyre teksa iknin nga ushtria ukrainase që përparonte në rajonin e Kharkiv në veri-lindje të vendit. /Kosovatimes/
