Kryetari i Shtimes Qemajl Aliu ka reaguar pas aksidentit tragjik ku mbetën të vdekur katër persona e u lënduan dy të tjerë.
Aksidenti tragjik ka ndodhur në hyrje të Shtimes, ndërsa Aliu e ka cilësuar ditën e sotme si të kobshme për komunën e Shtimes.
“Ditë e kobshme për komunën e Shtimes. Me keqardhje dhe pikëllim të madh po ndjek lajmet për aksidentin tragjik të ndodhur në hyrje të komunës së Shtimes, ku humbën jetën katër të rinj. Familjarëve të viktimave iu shpreh ngushëllimet më të sinqerta kurse lutemi që të lënduarit të shërohen sa më shpejt”, ka shkruar Aliu. /Kosovatimes/
