Një person ka humbur jetën në një përplasje masive zinxhirore në afërsi të qytetit Hercegsanto, që ndodhi pasditen e së shtunës në dalje nga Budapesti, njoftoi sot policia.
Një trup i pajetë është gjetur në vendin e aksidentit të ndodhur dje në autostradën M1 jo shumë larg Budapestit, nën një nga makinat e djegura, njofton policia hungareze.
43 automjete u përfshinë në përplasjen masive me zinxhir dhe 39 të plagosur, 14 në gjendje të rëndë, u transportuan në spitalet në Budapest, Győr, Tatabánya dhe Székesfehérvár.
Dhjetë fëmijë janë në mesin e të plagosurve, dhe katër kanë lëndime të rënda fizike, raportoi RTS. Nga 29 të rritur, lëndime të rënda u konstatuan në 10 persona.
Ekipet e emergjencës po pastronin rrënojat e makinave dhe kamionëve nga autostrada deri në orët e para të mëngjesit, pasi në aksident u dogjën 19 automjete.
