Kryetari i Drenasit Ramiz Lladrovci, ka thënë se kryeministri i Kosovës Albin Kurti, po e mjegullon grevën me retorikat e luftës.
Lladrovci tha se publikimi i informacioneve të klasifikuara përbën vepër penale.
“Informacionet, nëse i disponon një kryeministër dhe shpalos nëpër media ndërkombëtare, janë të lidhura me detyrën, me përgjegjësitë kushtetuese dhe ligjore të kryeministrit. Por, publikimi i informacioneve të klasifikuara, përbëjnë vepër penale”, tha Lladrovci.
Ai foli edhe për prioritetet që duhet të angazhohet i pari i Qeverisë së Kosovës.
“Energjia, greva e mësimdhënësve, çmimet dhe inflacioni, papunësia, ikja e të rinjve nga shteti, mungesa e investimeve dhe projekteve kapitale, mungesa e perspektivës, investitorëve dhe investimeve strategjike, janë prioritete”, theksoi ai. /Kosovatimes/
