Fotoreporteri i ish të përditshmes “Rilindja” Iljaz Bylykbashi ka shfaqur indinjatë lidhur me listën e përfituesve të 20 përqindëshit të publikuar nga APK. Ai këtë reagim e ka bërë në profilin e tij në Facebook.
“E pashë Listën përfundimtare, që e publikoi Agjencia Kosovare e Privatizimit për punëtorët që e fitojnë të drejtën e 20%, nga privatizimi i gazetës “Rilindja”.
U befasova kur e pash emrin tim e jo edhe të kolegut tim, me të cilin kam punuar që nga viti 1985, Behar Zogiani. Me te e kam nda zyrën, kam raportuar gjatë gjithë Luftës, e i cili ka punuar me zellin më të madh profesional duke kaluar katrahurat e dhunës serbe. Ndërsa, në Listë janë shumë njerëz që kanë ardh shumë më vonë në Gazetë, e disa që e kanë lëshuar punën në fillim të viteve 1990-ta…
Turp ju qoftë hartuesve të Listës…!” ka shkruar ai. /Kosovatimes/
