Duke marrë shkas nga ngjarja e rëndë mbrëmë pas mesnate në Top Channel ku nga breshëritë e kallashnikovëve mbeti i vrarë roja e sigurisë së ambienteve të kësaj media kombëtare, i shprehim keqardhje e ngushëllim familjes së të ndjerit. Theksojmë se ngjarja është tepër e rëndë. Kjo ngjarje tregon jo vetëm pasiguri jete por dhe një sulm i shpifur i bandave të lira ndaj medias dhe gazetarisë në përgjithësi. Në radhë të parë Unioni i Gazetarëve të këtij Qarku duke qenë gjithmonë në anë dhe krah të publikut u kërkon organeve ligjzbatuese të zbardhin sa më shpejt ngjarjen dhe të prangosin autorët. E konsiderojmë ngjarjen sulm më të rëndë në këto 30 vite ndaj medias pas djegies së redaksisë së gazetës “Koha Jonë” në vitin 1997. Për këtë ngjarje të rëndë dhe shumë të tjera të pa zbardhura dhe të pa paradaluara nga shërbimet e policisë së Shtetit kërkojmë largimin e menjëhershëm nga detyra të Ministrit Çuçi!