Ministri i Brendshëm, Xhelal Sveçla, ka firmosur vendimin për rikthimin në punë të Fadil Kodrës.
Pasi kishte marrë vendim për të shkarkuar, Kodra përsëri do ta ushtrojë pozitën e Drejtorit të Përgjithshëm të Agjencisë për Menaxhim Emergjent.
“Ju njoftoj se sapo pranova Vendimin e Ministrit të Punëve të Brendshme z. Xhelal Sveçla, me të cilin z. Kodra kthehet në pozitën e Drejtorit të Përgjithshëm të Agjencisë për Menaxhimin Emergjent”, ka treguar Faton Fetahu, avokat i Kodrës.
“Siç e dini, vendimi i mësipërm është rezultat i zbatimit të vendimit të Këshillit të Pavarur Mbikëqyrës për Shërbimin Civil të Kosovës, me të cilin u aprovua ankesa dhe u obligua ministria që ta kthejë z. Kodra në pozitën e punës nga ku ishte shkarkuar kundërligjshëm”, ka thënë ai ndër të tjera.
