Aktorja e Hollivudit, Angelina Jolie, ka treguar se cila ka qenë skena e saj e preferuar e seksit që ka regjistruar në karrierën e saj të pasur deri më tani. Pak muaj më parë, ish-bashkëshorti i saj Brad Pitt tregoi mendimin e tij, por shumë u zhgënjyen kur mësuan se nuk bëhej fjalë për Angelinën.
Të njëjtën gjë ka bërë edhe Angelina dhe ka treguar se më shumë i ka pëlqyer xhirimet e skenave intime me Denzel Washington.
Kjo skenë është filmuar për filmin “Bone Collector” dhe Jolie deklaroi se “i pëlqente të joshte personazhin e Uashingtonit dhe të mbështetej në mendjen e tij, jo në bukurinë e tij”.
Dhe në atë skenë nuk ka pasur fare kontakt fizik mes tyre.
“Ajo që është magjepsëse janë udhëtimet që bëjnë personazhet tanë dhe marrëdhënia e thellë që gradualisht zhvillohet mes tyre. Seksi më i mirë që kam pasur ndonjëherë ishte në këtë film. Ishte e mrekullueshme të josh dikë me mendjen time”, tha aktorja për Dark Horizons.
Shumë shpresonin që Jolie të tregonte disa nga skenat e filmit “Mr. and Mrs. Smith” që ka filmuar me Brad Pitt, i cili është plot pasion dhe tension mes partnerëve.
