Kryeministri i Kosovës, Albin Kurti ka falënderuar shtetin e Norvegjisë për mbështetje në angazhimin e kuadrove profesionale dhe ekspertizë në institucionet e Kosovës. Kurti këto deklarata i ka bërë në takimin e sotëm me ambasadorin e Norvegjisë në Kosovë, Jens Erik Grondahl.
Kryeministri tha se në këtë takim kanë diskutuar për projektet e ndryshme të bashkëpunimit dhe për marrëdhëniet e mira dypalëshe.
Sipas njoftimit të qeverisë, kryeministri Kurti në këtë takim ka shprehur falënderim për rolin aktiv e të rëndësishëm të Norvegjisë përgjatë viteve, dhe “veçanërisht për mbështetjen e saj në angazhimin e kuadrove profesionale dhe ekspertizë në institucionet e Kosovës”.
