Përmes një komunikate për media, Sindikata e QKUK-së njofton se të mërkurën do të protestojë nga ora 10:00 deri në 10:30 në lidhje më pakënaqësitë për koeficientin dhe pagat tek stafi i mesëm administrata dhe ai mbështetës të punonjësve shëndetësor.
Në njoftim thuhet se pakënaqësi ka edhe për heqjen e shtesave për shujtë, rrezikshmëri dhe stazh të punës.
“Në mbledhjen e Këshillit Drejtues të SH.S.QKUK me datë 03/04/2023 u vendos qe me dt 05.04.23 ne orën 10 deri 10 e 30 të mbahet protestë senzibilizuese lidhur me pakënaqësitë në lidhje me koeficientin dhe pagat tek stafi i mesëm administrata dhe ai mbështetës të punonjësve shëndetësor,pakënaqësitë lidhen edhe me heqjen e shtesave :shujtës ,rrezikshmërisë,stazhit të punës . Protesta do të mbahet para hyrjes së administratës qendrore të SHSKUK. Thërrasim të gjithë të pa kënaqurit për pjesëmarrje në këtë protestë”, thuhet në komunikatën e sindikatës të QKUK-së.
