Janë shitur të gjitha biletat për ndeshjen e dytë finale në mes të Pejës dhe Trepçës, të cilët do të përballen në palestrën “Karagaçi”, në serinë e dytë finale e cila nis nga ora 17:00.
Kështu ka njoftuar klubi pejan:
“Dyert e palestrës hapen në ora 14:00. Ju lutemi të gjithëve që posedojnë Bileta Standarde, VIP Bileta, dhe Kartele Vjetore të vijnë sa më herët për të evituar problemet”, thuhet në njoftim.
Ndërsa për ata që nuk kanë mundësi të jenë prezent në Palestër, ndeshja transmetohet në Art Motion dhe Kujtesa Sport.
Finalen e parë në “Minatori” e fituan “Xehëtarët” me rezultat 94:86.
Derisa për t’u shpall kampion nevojiten tri fitore.
Herën e fundit që Trepça ishte shpallur kampion ishte viti 2012-të kurse Peja në 2013-tën. /Kosovatimes/
