Një bankë qumështi e financuar nga UNICEF-i në Poloni po ofron kujdes të rëndësishëm ushqyes për foshnjat e lindura para kohe nga nëna ukrainase që kanë gjetur strehim në vend.
Disa nga gratë kanë pësuar trauma nga konflikti.
![Nëna refugjate ukrainase, Yevhenia Loshkarova, 37 vjeçe, duke mbajtur djalin e saj, Denis, në Konstancin Jeziorna, Poloni. Fëmija peshonte 1.5 kilogram kur lindi. E traumatizuar nga lufta, Loshkarova lindi para kohe me prerje cezariane dhe nuk mundi ta ushqente me gji. ](https://gdb.rferl.org/01000000-0a00-0242-58e0-08db579f03d8_w1023_s.jpg)
E traumatizuar nga lufta, Loshkarova lindi para kohe me prerje cezariane dhe nuk mundi ta ushqente me gji.
![Një bankë qumështi e financuar nga UNICEF-i në Poloni e krijuar për nënat në krizë ishte shpëtim për Loshkarovën shtatorin e kaluar. Ajo e furnizoi djalin e saj me qumësht dhe i ofroi asaj mbështetje psikologjike dhe këshilla për të ushqyerit me qumësht gjiri. ](https://gdb.rferl.org/01000000-0a00-0242-8eba-08db579f03c4_w1023_s.jpg)
Një bankë qumështi e financuar nga UNICEF-i në Poloni e krijuar për nënat në krizë ishte shpëtim për Loshkarovën shtatorin e kaluar. Ajo e furnizoi djalin e saj me qumësht dhe i ofroi asaj mbështetje psikologjike dhe këshilla për të ushqyerit me qumësht gjiri.
![Karolina Dabiak, 37-vjeçare, ish-punonjëse polake e shëndetit dhe sigurisë, është një nga nënat që dhuruan qumështin e tyre në bankën e qumështit ku ushqehej foshnja e Loshkarovas. Dabiak e kuptoi se po prodhonte më shumë qumësht sesa i duhej djalit të saj të mitur. "Ajo që është më e rëndësishme për mua është t'i ndihmoj njerëzit e vegjël që vijnë në këtë botë në rrethana kaq të vështira -- foshnjat e lindura para kohe", tha Dabiak.](https://gdb.rferl.org/01000000-0a00-0242-c91c-08db579f0b27_w1023_s.jpg)
Karolina Dabiak, 37-vjeçare, ish-punonjëse polake e shëndetit dhe sigurisë, është një nga nënat që dhuruan qumështin e tyre në bankën e qumështit ku ushqehej foshnja e Loshkarovas. Dabiak e kuptoi se po prodhonte më shumë qumësht sesa i duhej djalit të saj të mitur.
“Ajo që është më e rëndësishme për mua është t’i ndihmoj njerëzit e vegjël që vijnë në këtë botë në rrethana kaq të vështira — foshnjat e lindura para kohe”, tha Dabiak.
![Loshkarova, e cila u gjet pa ndjenja nga policia në banesën e saj në Varshavë gjatë muajit të shtatë të shtatzënisë, pasi një shoqe e kishte njoftuar policinë, tha se ajo është thellësisht mirënjohëse për bankën e qumështit të mbështetur nga OKB-ja. “Është një ndihmë e madhe si për shëndetin e foshnjës, ashtu edhe për komoditetin psikologjik të nënës. Kur një fëmijë lind para kohe, është gjithmonë shumë stresuese, sepse diçka ka shkuar keq”, tha ajo. ](https://gdb.rferl.org/01000000-0a00-0242-b8bb-08db579f0bf2_w1023_s.jpg)
Loshkarova, e cila u gjet pa ndjenja nga policia në banesën e saj në Varshavë gjatë muajit të shtatë të shtatzënisë, pasi një shoqe e kishte njoftuar policinë, tha se ajo është thellësisht mirënjohëse për bankën e qumështit të mbështetur nga OKB-ja.
“Është një ndihmë e madhe si për shëndetin e foshnjës, ashtu edhe për komoditetin psikologjik të nënës. Kur një fëmijë lind para kohe, është gjithmonë shumë stresuese, sepse diçka ka shkuar keq”, tha ajo.
![Aleksandra Molas, 29 vjeçe, një mami dhe biologe, duke ekzaminuar shishet e qumështit të gjirit të dhuruara nga nënat në laboratorin Human Milk Bank në Spitalin Specialistik të Familjes së Shenjtë në Varshavë. ](https://gdb.rferl.org/01000000-0a00-0242-7c2c-08db579f03c5_w1023_s.jpg)
![Me ndihmën e programit të UNICEF-it, më shumë se 300 nëna -- rreth 20 për qind e të cilave janë nga Ukraina -- përfitojnë çdo muaj nga shërbime të ndryshme në 10 spitale që janë nikoqire të bankave të qumështit në Poloni.](https://gdb.rferl.org/01000000-0a00-0242-797e-08db579f0b37_w1023_s.jpg)
Me ndihmën e programit të UNICEF-it, më shumë se 300 nëna — rreth 20 për qind e të cilave janë nga Ukraina — përfitojnë çdo muaj nga shërbime të ndryshme në 10 spitale që janë nikoqire të bankave të qumështit në Poloni.
![Një tjetër grua ukrainase e ndihmuar nga ky program është Olena Liubimova, 36 vjeç, dhe djali i saj i lindur para kohe, Oleg, në njësinë e kujdesit intensiv të Spitalit Universitar në Zielona Gora, Poloni. Mjekët në Ukrainë e këshilluan Liubimovën të ndërpresë shtatzëninë për shkak të fibroideve të mitrës që ajo kishte zhvilluar për shkak të stresit. Ajo u paralajmërua se fëmija mund të mos mbijetonte dhe jeta e saj gjithashtu mund të ishte në rrezik.](https://gdb.rferl.org/01000000-0a00-0242-4427-08db57a09b22_w1023_s.jpg)
Një tjetër grua ukrainase e ndihmuar nga ky program është Olena Liubimova, 36 vjeç, dhe djali i saj i lindur para kohe, Oleg, në njësinë e kujdesit intensiv të Spitalit Universitar në Zielona Gora, Poloni.
Mjekët në Ukrainë e këshilluan Liubimovën të ndërpresë shtatzëninë për shkak të fibroideve të mitrës që ajo kishte zhvilluar për shkak të stresit. Ajo u paralajmërua se fëmija mund të mos mbijetonte dhe jeta e saj gjithashtu mund të ishte në rrezik.
![Banka e qumështit e ushqeu Olegun me qumësht nëpërmjet tubit derisa Liubimova ishte në gjendje ta ushqente me gji. Që atëherë ajo ka përfituar nga kujdesi i avancuar perinatal i programit të UNICEF-it.](https://gdb.rferl.org/01000000-0a00-0242-e89b-08db579f0b1b_cx6_cy4_cw79_w1023_r1_s.jpg)
Banka e qumështit e ushqeu Olegun me qumësht nëpërmjet tubit derisa Liubimova ishte në gjendje ta ushqente me gji. Që atëherë ajo ka përfituar nga kujdesi i avancuar perinatal i programit të UNICEF-it.