Rami Hadar, i cili e shpalli Pejën kampion pritet ta marrë drejtimin e Kombëtares së Kosovës në basketboll.
Zyrtarizimi i tij do të bëhet nesër më 22 maj në orën 14:00, ku kryetari i Federatës së Basketbollit Arben Fetahu, do të mbajë konferencë për media.
“Në këtë konferencë do të prezantohet përzgjedhësi i Kosovës, si dhe do të shpalosen detaje nga ndeshjet e Dardanëve në parakualifikimet e Eurobasket 2025, ku jemi në grup me Zvicrën dhe Danimarkën”, thuhet në njoftimin e Federatës së Basketbollit të Kosovës.
Përzgjedhësi i ri dhe kryetari i FBK-së, Arben Fetahu do të nënshkruajnë kontratën për rrugëtimin e Kosovës në garat zyrtare të FIBA-s.
