Posta e Kosovës njofton se aksioni i sotëm i policisë në Kaçanik, me pasojë arrestimin e tre zyrtarëve të postës, u bë pasi rasti i keqpërdorimit në fjalë është kapur nga autoritetet e saj dhe se menjëherë i është drejtuar organeve të rendit.
“Kemi kërkuar hetime dhe kemi ofruar mbështetje dhe bashkëpunim për zbardhjen e plotë të rastit. Falënderojmë policinë e shtetit tonë për profesionalizëm të pashoq”, thuhet në kumtesën për media të Postës së Kosovës.
Ky institucion po ashtu deklaron se siguron të gjithë konsumatorët që çdo shërbim në zyrat postare është i sigurt dhe se mbetem të përkushtuar që çdo ditë të përmirësojnë cilësinë e shërbimeve. /Kosovatimes/
