Prodhuesi gjerman i armëve, Rheinmetall, po zgjeron me shpejtësi aktivitetin prodhues mes luftës që po zhvillohet në Ukrainë, dhe planifikon të hapë fabrikë edhe brenda Ukrainës.
Që nga prilli 2022, kur Gjermania ra dakord të furnizonte Ukrainën me armë të rënda për të luftuar pushtimin rus, prodhimi i predhave të tankeve nga Rheinmetall është rritur nga 60.000 në 240.000 në vit.
Kompania gjermane e armëve ka shtuar rreth 2000 vende pune që nga pushtimi rus dhe është shtuar në indeksin e aksioneve DAX të Frankfurtit.
Në maj u njoftua se Rheinmetall do të lidhej me kompaninë shtetërore të armëve të Ukrainës Ukroboronprom me qëllim “për të prodhuar së bashku produkte të zgjedhura Rheinmetall në Ukrainë”.
![Një tank Leopard duke u testuar pas mirëmbajtjes në objektin Rheinmetall në Unterluess. Njoftimi i një fabrike të mundshme gjermane të armëve brenda Ukrainës tërhoqi një përgjigje të furishme nga Kremlini. Dmitry Medvedev, ish-president rus, u zotua se Rusia do të godiste objektin e planifikuar me "fishekzjarre nga Kalibre [raketë lundrimi] dhe pajisje të tjera piroteknike ruse". ](https://gdb.rferl.org/01000000-0aff-0242-29e7-08db68263769_w1023_s.jpg)
Njoftimi i një fabrike të mundshme gjermane të armëve brenda Ukrainës tërhoqi një përgjigje të furishme nga Kremlini. Dmitry Medvedev, ish-president rus, u zotua se Rusia do të godiste objektin e planifikuar me “fishekzjarre nga Kalibre [raketë lundrimi] dhe pajisje të tjera piroteknike ruse”.
Brenda kullës së një mjeti luftarak të blinduar.
Në disa pjesë të uzinës Rheinmetall, sipas AFP-së, automjetet e vjetra të blinduara me njolla ndryshku aktualisht po çmontohen dhe riparohen për t’u vendosur në fushëbetejë.
Bashkimi Evropian ka premtuar 2 miliardë euro (2.1 miliardë dollarë) për furnizimin me artileri për Ukrainën, me synimin për të marrë 1 milion predha artilerie në vend gjatë vitit të ardhshëm.
