Një person ka pësuar lëndime pasi është rrahur pas një mosmarrëveshje të enjten nga një person tjetër në Kaçanik.
Policia e Kosovës ka njoftuar se viktima është dërguar për tretman mjekësor, teksa i dyshuari gjendet në arrati.
“Viktima mashkull kosovar është dërguar për tretman mjekësor, pasi që i njëjti dyshohet se pas një mosmarrëveshje me të dyshuarin mashkull kosovar i njëjti e ka sulmuar fizikisht duke i shkaktuar lëndime trupore. I dyshuari gjendet në arrati, rasti në procedurë hetimore”, thuhet në raportin ditor të PK-së.
Policia e ka iniciuar rastin si “Vrasje e mbetur në tentativë”.
