Shkruan: Bajram MJEKU
Shqiptarët e Kosovës, në rast se me dashje apo “aksidentalisht” i harrojnë tri data të rëndësishme, as na e falë historia, as na e falin brezat që do të vijnë mbas nesh.
Natën e 24 marsit të vitit 1999, nuk guxojmë ta harrojmë asnjëherë. Ishte Nata e Shpresës dhe fillimi i sendërtimit të ëndrrës për lirinë.
Data e dytë është 12 qershori i vitit 1999, më saktë dita kur fillon liria e munguar gjatë gjithë ekzistencës sonë në Gadishullin e Madh.
Data e tretë është 17 Shkurti i vitit 2008, më saktë dita e shpalljes së pavarësisë dhe kosovarët veç lirisë, nisën të ndjehen edhe sovran në shtetin e tyre.
Nuk guxojmë të harrojmë kurrë dhe për asnjë çmim, derisa këto tri evente të rëndësishme u sendërtuan falë Shteteve të Bashkuara dhe Aleancës veriatlantike.
Secili shqiptar që i përbuzë, apo bëhet sikur i harron këto tri data të rëndësishme, do ta zërë mallkimi i historisë dhe mallkimi i gjithë brezave që do të vijnë mbas nesh.
Natën e mirë shqiptarë kudo që jeni!
