Moti i lig i së shtunës ka ndikuar që të mos ketë furnizim të rregullt me energji elektrike në rajonin e Zhurit dhe atë të Dragashit.
Ekipet e KEDS-it ndodhen në terren ku po mundohen të zgjidhin problemin.
“Për shkak të zbrazjeve atmosferike, reshjeve të shiut dhe erërave të forta që e përfshinë dje një pjesë të Kosovës, rajoni i Zhurit dhe ai i Dragashit vazhdojnë të mos kenë furnizim të rregullt me energji elektrike. Ekipet e KEDS-it ndodhen në terren dhe po bëjnë të pamundurën që konsumatorëve tanë atje t’ua kthejnë sa më parë furnizimin me energji elektrike, për çka kërkojmë mirëkuptimin e tyre”, thuhet në njoftimin e KEDS-it. /Kosovatimes/
