Aktori amerikan Angus Cloud, i njohur më së shumti për rolin e tregtarit të drogës Fesco në serialin HBO Euphoria, ka vdekur në shtëpinë e tij në Oakland, Kaliforni në moshën 25-vjeçare, sipas Variety.
Familja e aktorit tha në një deklaratë se ai varrosi babanë e tij javën e kaluar dhe ishte thellësisht i pikëlluar nga humbja.
“I vetmi ngushëllim që kemi është të dimë se Angus tani është ribashkuar me babanë e tij, i cili ishte miku i tij më i mirë. Angus ka qenë i hapur për shëndetin e tij mendor dhe ne shpresojmë që largimi i tij do të jetë një kujtesë për të tjerët se ata nuk janë vetëm dhe nuk duhet të merren në heshtje me këtë, “tha familja e Cloud.
Roli në “Euphoria” ishte debutimi për Angus Cloud. Ai luajti në të dy sezonet e HBO në 2019 dhe 2022 dhe u konsiderua një nga të preferuarit e fansave të Euphoria. Sezoni i tretë i serialit pritej të dilte në vitin 2024. Përveç interpretimit në Euphoria, Angus Cloud është shfaqur në North Hollywood (2021), The Line (2023) dhe disa video muzikore.
