Kryeministri polak Mateusz Morawiecki tha sot se luftëtarët e grupit paraushtarak rus “Wagner” po i afrohen krahut lindor të NATO-s për ta destabilizuar atë.
“Polonia do t’i përgjigjet pa mëdyshje këtyre provokimeve ruse dhe bjelloruse,” tha Morawiecki në një konferencë të përbashkët shtypi me presidentin lituanez Gitanas Naused, raporton Radio Polake.
Ai shtoi se në Bjellorusi janë rreth 4000 vagnerianë dhe se në këtë mënyrë Rusia po teston reagimin e Polonisë dhe aleatëve të saj.
“Duhet të jemi të vetëdijshëm se numri i provokimeve të tilla do të rritet”, tha kryeministri polak.
Së fundmi, nga Minsku u njoftua se një numër i caktuar i Wagnerianëve kanë filluar stërvitjen e anëtarëve të ushtrisë bjelloruse, për këtë arsye autoritetet polake kanë dërguar më shumë se 1000 ushtarë pranë kufirit me Bjellorusinë.
