Policia e Kosovës ka bërë thirrje ndaj qytetarëve pas fluksit të madh të kolonave nëpër pikat kufitare.
Ata kanë bërë thirrje për shfrytëzim të pikave tjera kufitare me Serbinë në mënyrë që të evitohen pritjet.
“Policia e Kosovës njofton qytetarët dhe bashkatdhetarët për mundësitë e kalimit në pikat e tjera të kalimit kufitar, si dhe i lut qytetarët që të shfrytëzojnë edhe pikat e tjera me Serbinë siç janë : PKK Muqibab, Jarinje, Bernjak dhe Mutivodë në të cilat pika ka më pak pritje e ndërsa në orët e mbrëmjes nuk ka pritje fare në të shumtën e rasteve”, ka njoftuar Policia.
Pika kufitare në Merdarë vazhdon të jetë më e ngarkuara për sa i përket kolonave të gjata.
