Një grua nga Brazili u varros gabimisht e gjallë dhe kaloi 11 ditët e ardhshme duke u përpjekur të dilte nga arkivoli!
Rosangela Almeida dos Santos (37) bërtiste e dëshpëruar për ditë të tëra teksa përpiqej të çlirohej. Detajet e rastit të tmerrshëm që ndodhi në një qytet të vogël në lindje të vendit në vitin 2018 ende ngrin gjakun.
Në videon shqetësuese shihet rrëmuja e banorëve të zonës që kanë nxjerrë arkivolin e rëndë dhe kanë hequr kapakun nga varrezat e zonës. Disa mund të dëgjohen duke kërkuar që dikush të thërrasë një ambulancë, ndërsa një nga banorët e zonës prek këmbët e gruas dhe komenton se janë ngrohtë.
Rosangela u dërgua në spital, por ajo u deklarua e vdekur dhe u varros përsëri të nesërmen.
Vendasit që jetonin pranë varrezave paralajmëruan më parë familjen 11 ditë pasi Rosangela u preh se ata dëgjuan britma dhe goditje që vinin nga varri.
Trupi i gruas fatkeqe ishte ende i ngrohtë dhe i kthyer në një pozicion të ndryshëm nga ai në të cilin ishte vendosur në arkivol. Ajo kishte lëndime në duar dhe në ballë, të cilat ndoshta i kishte pësuar teksa përpiqej të dilte nga arkivoli.
“Gozhdat rreth anëve të kapakut të arkivolit ishin shtyrë lart dhe kishte gërvishtje dhe gjak brenda”, tha një dëshmitar okular në atë kohë.
Rosangela u dërgua më parë në një spital në shtetin verilindor brazilian të Bahia nga familja e saj sepse nuk ndihej mirë prej ditësh. Gruaja, e cila ishte e martuar, por nuk kishte fëmijë, thuhet se kishte vuajtur nga të fikëtit që në moshën shtatë vjeçare dhe po merrte ilaçe antikonvulsante.
Mjekët deklaruan se menjëherë pas mbërritjes së saj ajo pësoi dy sulme kardiake dhe vdiq.
Rosangela u varros të nesërmen në një varr betoni në varrezat komunale në vendlindjen e saj.
Natalina Silva i tha uebsajtit brazilian G1 në atë kohë se shumë njerëz dëgjuan britma të mbytura gjatë natës.
“Dëgjova përplasje nga varri. Mendova se fëmijët që luanin në varreza po bënin shaka me mua. Më pas e dëgjova duke rënkuar shkurt. Pas kësaj nuk u dëgjua asgjë “, tha Silva.
Nëna e gruas fatkeqe, Germana de Almeida, tha se në trupin e tyre kanë zbuluar lëndime që sipas saj nuk ishin aty kur e varrosën.
“Ajo u përpoq të hapte kapakun. Edhe gozhdët që ishin rrahur me çekan ishin të liruar. Duart i ishin lënduar sepse po përpiqej të dilte”, tha Almeida.
Ana Francisco Dias tha se më shumë se 500 vendas u dyndën në varreza kur po hapnin varrin.
” Të gjithë erdhën për të parë. Shumë njerëz ia prekën këmbën dhe e ndjenë se ishte ende ngrohtë “, tha Dijas.
