Kryetari i Aleancës për Ardhmërinë e Kosovës (AAK), Ramush Haradinaj, ka akuzuar kryeministrin Albin Kurti, duke thënë se është i vetmi kryeministër që nuk i beson sistemit të vet, por krijon sistem paralel.
“Albin Kurti është i vetmi kryeministër që nuk i beson sistemit të shtetit të vet, por krijon sistem paralel. Ai edhe për operacionet më të ndjeshme të qeverisjes e të shtetit, që prekin edhe sigurinë kombëtare, angazhon njerëz që janë jashtë institucioneve, por që mjafton të jenë jarana të tij, siç ishte edhe rasti me Ridvan Muharremin”, ka shkruar Haradinaj në Facebook.
Këto siç i quan lideri i AAK-së, janë ato lidhjet e shkurtra të “kapjes së shtetit me miq e dollarë”.
“…kam pas ngritur alarmin këtu e një vit më parë, lidhje këto të cilat po dalin në shesh përditë e më shumë”, ka thënë Haradinaj.
