Pas rrëzimit të një avioni në Rusi, ku humbën jetën dhjetë persona, dhe në listën e pasagjerëve ishte edhe kreu i Wagner-it, Yevgeny Prigozhin, ka reagime nga bota dhe teori të shumta për atë që mund të ketë ndodhur.Shërbimet ruse të urgjencës gjetën tetë trupa në vendin e përplasjes, njoftoi agjencia shtetërore e lajmeve RIA. Shefi i Wagner, Yevgeny Prigozhin, ishte në listën e pasagjerëve për atë fluturim, njoftuan më herët autoritetet ruse.
Russian media report that Yevgeny Prigozhin's plane was shot down by an air defense system – you can see many small holes in some parts of the fallen airplane on the video.
This is what the damage from air defense system shells, which contain destructive elements that could ruin… pic.twitter.com/B1judEmnCf
— Anton Gerashchenko (@Gerashchenko_en) August 23, 2023
Raporte të pakonfirmuara në kanalet Telegram pretendojnë se avioni është rrëzuar nga mbrojtja ajrore ruse.
Këshilltari në Ministrinë e Punëve të Brendshme të Ukrainës, Anton Gerashchenko, pajtohet me teorinë se mbrojtja ajrore ruse qëndron pas rrëzimit të aeroplanit të Prigozhin.
– Mediat ruse raportojnë se avioni i Yevgeny Prigozhin u rrëzua nga një sistem i mbrojtjes kundërajrore. Në video mund të shihni shumë vrima të vogla në disa pjesë të avionit. Kështu mund të duken dëmtimet nga sistemet e mbrojtjes kundërajrore që përmbajnë elementë shkatërrues që mund të shkatërrojnë trupin e avionit, shkroi Gerashchenko në Twitter.
Në atë rrjet social u shfaqën edhe regjistrime të shumta të rrëzimit të avionit./Kosovatimes/
