Slobodan Milenkoviç nuk është më shef i Departamentit të Policisë së Beogradit për luftën kundër drogës dhe Dushan Mitić nuk është më kreu i operacionit, njoftoi zyra e avokatisë Tomanoviq.
“Me vendim formal të Kabinetit të Ministrisë së Punëve të Brendshme janë caktuar në pozita të tjera jashtë Departamentit për luftën kundër drogës. Vendimi i kreut politik të policisë është në thelb zëvendësimi i inspektorit dhe përfaqëson, para së gjithash, një parandalim të drejtpërdrejtë të hetimit të mëtejshëm dhe verifikimit të gjetjeve operacionale që e çojnë projektin ‘Jovanjica’ në qendrat e pushtetit në vendin tonë. Kjo zhvendosje është edhe hakmarrje ndaj punonjësve të policisë edhe presion para dëshmisë së ardhshme”, thuhet në deklaratën e zyrës, shkruan N1.
Siç thuhet, shkarkimi i inspektorit është edhe “mesazh se kush nuk pranon gënjeshtrat e qendrave të pushtetit, humb sigurinë e tij profesionale dhe personale dhe merr akuza publike, fyerje, diskreditime, ngacmime parlamentare e tabloide”.
Zyra e avokatisë Tomanoviq po ashtu thekson se “do të marrin të gjitha mjetet ligjore para institucioneve vendore dhe ndërkombëtare”.
