Së fundmi, për herë të parë në Belgjikë, një dron i automatizuar pasagjerësh ka transportuar gjak për nevojat e një spitali, raportoi sot portali Focus on Belgium.
Faqja belge vlerësoi se, nga pikëpamja teknike, është e hapur rruga për të kryer në mënyrë ekonomike, ekologjike dhe efikase transporte komplekse mjekësore në jetën e përditshme, për të cilat tradicionalisht përdoren helikopterë ose avionë të lehtë. Megjithatë, nga pikëpamja ligjore, kjo ende nuk është e mundur.
Fluturimi testues u zhvillua pranë Limburgut në pjesën flamande të Belgjikës. Droni, një avion pa pilot me dy ulëse për pasagjerë dhe 16 motorë elektrikë dhe helikë, fluturoi deri në 130 kilometra në orë për 30 minuta.
Droni udhëtoi 2.6 kilometra pa pilot me pako gjaku. Avioni është vepër e kompanisë belge Helicus.
Megjithatë, legjislacioni në fushën e trafikut në Bashkimin Evropian nuk është ende në hap me teknologjinë dhe risitë në atë sektor, por fluturimi testues është një hap në drejtimin e duhur, raporton portali.
