Përmes një njoftimi nënkryetari i Komunës, Alban Zogaj, ka njoftuar opinionin se është marr në intervistim nga organet e hetuesisë për shkak të një çështjeje të trashëguar nga qeverisja e kaluar ne cilësinë e dëshmitarit.
Të dashur qytetarë,
Ju njoftoj se sot pasdite jam intervistuar nga Policia e Kosovës, në cilësinë e DËSHMITARIT, në ndërlidhje me rastin e ndalimit të tre zyrtarëve komunal të Komunës së Prishtinës.
Ky rast ndërlidhet me nënshkrimin e disa kontratave mbi vepër, të cilat ne si qeverisje i kemi trashëguar nga qeverisja e kaluar. Sipas kërkesave të drejtorive përkatëse, këto kontrata mbi vepër kanë qenë pozicione të domosdoshme për ofrimin e shërbimeve ndaj qytetarëve të Prishtinës.
Institucionet e rendit dhe të drejtësisë janë duke e trajtuar këtë rast dhe ne mbesim në dispozicion e tyre, që rasti të trajtohet në plotni në pajtim me legjislacionin në fuqi.
Ju falënderoj për kujdesin.
Albani
