Policia e Kosovës, konkretisht ILECU-FAST Kosova, në koordinim me Drejtorinë e Migrimit, në vazhdën e bashkëpunimit policor ndërkombëtar me shtetet partnere, dje ka arrestuar një person të dyshuar i cili kërkohej me urdhër-arrest ndërkombëtar.
Bëhet e ditur se personi i dyshuar J.P., viti i lindjes 1995, mashkull shtetas serb, kishte rezultuar i kërkuar me urdhër-arrest ndërkombëtar të lëshuar nga Interpol.
“Me vendim të prokurorit kujdestar, i dyshuari është ndaluar për 48 orë, ku më pas do të vazhdohet me procedurat e parapara për rastet e tilla. Policia e Kosovës mbetet e përkushtuar në parandalimin dhe luftimin e të gjitha dukurive të kundërligjshme në vend, përfshirë edhe forcimin e bashkëpunimit policor në rrafshin ndërkombëtar”, thuhet në njoftimin e Policisë së Kosovës.
